Lappeenranta - Helsinki - Turku - Helsinki

so da philipp het scho widr des wite gsucht und sött jetzt bim schaffa sin erschta tag hinter sich ha. uesere geplante route hemma dank weitgehend fehlender planung nid gschafft - in nauvo hemma gsecha dass dia fähre s letschte mol ca. vor 2h gfahra ischt. dia andre route war uns z lang und döt hemma ou nid gwisst wias döt mit da fähre usschout und so simma halt zruck nach turku gfahra wo ma vorher erfahra hend dass in ueserem geplanten abr nid fixierten! :) bed & breakfast natuerle nix frei ischt. denn hemmas in na jugendherberge probiert wo im internet dia zweier-zimmer abr scho usbucht gsi sind. des het ou sowit gstimmt abr es warand no zwoa betta in nam 4er zimmr frei, wo ma denn schlussendlich eh alunig warand und des no zu nam billigra preis :)

vor da "einbahn-strecke" hemma in turku guat, edel und fuer z viel geald in nam reisefuehrer-tipp gessa und jetzt nachm arrangiera vu na schlofmöglichkeit simma da dom aschoua ganga (sehr beeindruckend). danoch simma, nid viel witr vu dam oba genannta restaurant, in da "red chilli irgendwas" bar glandat wo ma typisch amrikanische abr ou andre sacha plus natuerle bier kriegt - odr an kaipiroska in nam 0,2l glas (mit eis!) fuer ca. 7 euro gea philipp? :D

am nächsta morga simma glei frueah uf (viertel vor sechs) um no zum fruehstuecken (von 6-10 gits des) und denn glei los-zum-fahra zruck nach helsinki.

in helsinki hemma denn gschout was ma anam sunntag alles aschoua kann - tjo nid viel eigentlich - des isch klar da falsche tag - nid mol dia beruehmte felskirche war offa (druf gstanda simma abr :) ). ersatzprogramm war denn diplomatenviertel mit a paar schuena villen und da seepromenade (mine bezeichnung). bim sucha nach na ausreichend billiga (1,26 euro fuer super) tankstell hemma denn abr doch no einiges vu helsinki gsecha.

am 11e het me denn da philipp zum bahnhof to, der ou uf da liste der sehenswuerdigkeiten stoht (zurecht wia i munn), wo sich uesere wege denn widr trennt hend - er hets auto abgia muessa und i hian 3h ufn zug gwartet. des henni natuerle glei unter anderem zu nam besuch im restaurant zum goldenen M gnutzt.

i schou dass no paar fotos online kummand ...

stay tuned!

flo